ಓ ಗೋವಿಂದ

 

ಮೂರು ದಿನದ  ಬಾಳು 

ಹೇಳುತ್ತಿದೆ ಕಣ್ಣೀರಿನ ಗೋಳು 

ಬದುಕ ದಾರಿಯು ಬರಡು 

ಆ ಬ್ರಹ್ಮನು ಏಕೋ ಕುರುಡು 

ನಡೆಸೋ ದಾರಿ ತೋರಿ ನೀ ನಮ್ಮ ಗೋವಿಂದ //ಪಲ್ಲವಿ//

ಬಾಳು ನೋವಿನ ಸಂತೆ 

ಬದುಕು ತುಂಬಾ ಚಿಂತೆ/

ದಾರಿ ಕಾಣದೆ ಕೂತೆ

ನಿನ್ನ ಜಪವ ಅರಿತೆ //

ಕಾಯ್ದು ಕಾಪಾಡು ನೀ ನಮ್ಮ ಗೋವಿಂದ 

ವಿಧಿಯ ನೋಡದೆ ಬರೆದ ಬ್ರಹ್ಮ 

ಸುಟ್ಟನು ಚಿಂತೆಯಲ್ಲಿ ನಮ್ಮ/ 

ಜೀವನದಿ ಹಸಿರು ಚಿಗುರಲೆ ಇಲ್ಲ 

ಬಿಸಿ ನೀರಲ್ಲಿ ಬೇಳೆ ಬೇಯಲೇ ಇಲ್ಲ//

ಸಾಗಿಸು ಬಾಳ ಬಂಡಿ ನೀ ನಮ್ಮ ಗೋವಿಂದ 

ಅನ್ನವ ತಿನ್ನುತ್ತ ಮನುಜ 

ಮೋಸ ಮಾಡುತ ಸಹಜ/ 

ಆಡಿಹನು ಬದುಕಲ್ಲಿ ಆಟ 

ಸಂಸಾರ ಗೋಳಿನ ಊಟ// 

ದಾರಿ ಸೇರಿಸು  ನೀ ನಮ್ಮ ಗೋವಿಂದ 

ಬದುಕಿನ ಪಯಣ ಕಷ್ಟ 

ಸಂತಸ ಪಡಲು ಇಷ್ಟ /

ಊರು ತುಂಬಾ ಜಾತ್ರೆ 

ಹೊರಟರು ನಿನ್ನ ಯಾತ್ರೆ// 

ಹೇಳು ಎದ್ದೇಳು ನೀ ನಮ್ಮ ಗೋವಿಂದ

***********ರಚನೆ***********

ಡಾ. ಚಂದ್ರಶೇಖರ್ ಚನ್ನಾಪುರ ಹಾಲಪ್ಪ