ಮರೆತು ಹೋಗುವ ಮುನ್ನ ತೆರೆದು ನೋಡು ಈ ಪುಟವನ್ನ

  ನೂರು ನೆನಪು ಮೂಡಿದೆ ಮನದ ಕಡಲಲಿ  ಹೃದಯ ಏಕೋ ಬಡಿದಿದೆ ಜೀವದ ಹಡಗಲಿ  ಕಾಣೆ ನಾನು ಕನಸ ಒಂದೂ ಎದೆಯ ಗೂಡಲಿ  ನೋವು ಬಂದು ತಾಗಿದೆ ಮನಸ್ಸ ಮಡಿಲಲಿ ದಾರಿ ನೂರು ಕಾಣುತ್ತಿದೆ ಎತ್ತ ಹೇಗೆ ಸಾಗಲಿ  ಗುರಿಯ ನಾನು ಮುಟ್ಟುವೆನೆ ಯಾರ ಕೇಳಲಿ  ಕಾಲವೊಂದು ಓಡುತಿದೆ ನೆನಪುಗಳ ಬಿಟ್ಟಿ  ನೆನಪು ಮನಸ್ಸ ಕೇದಕುತಿದೆ ನನ್ನ ನಗುವ ಸುಟ್ಟಿ  ಯಾರಿಗೆ ಹೇಳಲಿ ನೆತ್ತರಿನ ನೋವನು ಬದುಕು ಕಲಿಸುತ್ತಿದೆ  ಪಾಠ ಬಿತ್ತಿ ಪೈರನು  ಬಾಳ ಬಂಡಿಯಲಿ ಹಚ್ಚ ಹಸಿರು ತುಂಬದೇ  ಎತ್ತ ನೋಡಿದರೂ ಜೀವ ಬೆಂಕಿ ಸುಡುತ್ತಿದೆ  ಕಣ್ಣ ನೀರು ಬತ್ತಿದೆ  ಬೆಳಕ ಜಾಡಲಿ  ಮುಖುವು ಸುಕ್ಕು ಗಟ್ಟಿದೆ ಬಿಸಿಲ ಜಳದಲಿ  ಹೊಳಪು ಈಗ ಎಲ್ಲಿದೆ ಬಾಳ ಬೆಳಕಲಿ ಕಪ್ಪು ಈಗ ತುಂಬಿದೆ ನೋವ ಬದುಕಲಿ **********ರಚನೆ******** ಡಾ. ಚಂದ್ರಶೇಖರ್ ಸಿ. ಹೆಚ್

  ನೆಮ್ಮದಿಯ ಹುಡುಕುತ ಮನವು ಕೂತಿರಲು ಒಲವಿನಲಿ ನೊಂದು ಬೇಯುತ ಕನಸು ಅರಳಿರಲು ಚೆಲುವೊಂದು ಏಕೋ ಏನೋ ಕೂಗಿ ಕರೆದಿರಲು ಹಗಲುಗಳು ಕತ್ತಲೆಯಾಗಿ ಭೂಮಿ ಅಳುತಿರಲು  ನೊವೊಂದು ಬಳಿ ಬಂದು ಹೃದಯವ ಕೊಲ್ಲುತ್ತಿದೆ  ಕಣ್ಣಿರಲಿ ಮುಳುಗಿದ ಬದುಕು ದಾರಿ ತಪ್ಪುತ್ತಿದೆ ಎಲ್ಲಿ ನೋಡಿದರು ವೇದನೆಯ ನರಳಾಟ  ಕನಸುಗಳ ಕಿತ್ತ ಮಗುವಿನ ಕಂಬನಿ ಗೋಳಾಟ  ಅಕ್ಕರೆ ಇಲ್ಲದ ಜೀವನ ಸೊಕ್ಕಿದೆ ಪಯಣದಲ್ಲಿ  ಬಾಳಿನಲಿ ಸಕ್ಕರೆ ಕಾಣುವುದು ಎಂದು ಕೊನೆಗಿಲ್ಲಿ ನೂರೆಂಟು ಎಡರು ತೊಡರು ಹಾಗೆ ನಮಗಿಲ್ಲಿ ಬಾಳ ಬಂಡಿಯ ಎಳೆಯಲು ಹೊರಟವಗೆ ಸಾವಿಲ್ಲಿ  ಎಲ್ಲಿ ನೋಡಿದರೂ ನೆತ್ತರ ಹೊಳೆ ಹರಿಯುತಿದೆ  ದಾಟಲು ಹೋದವಗೆ  ಬಂದು ಜೀವ ಹಿಂಡುತಿದೆ ಬದುಕಿನಲ್ಲಿ ಈಗ ಏಕೋ ಉಸಿರು ಸಿಕ್ಕಂತೆ  ಬೊಂಬೆ ಆಡಿಸುವವನು ನಮ್ಮ ನೋಡಿ ನಕ್ಕಂತೆ **********ರಚನೆ********** ಡಾ. ಚಂದ್ರಶೇಖರ್. ಸಿ.ಹೆ ಚ್

  ಮನದ ಒಳಗೆ ನೋವಿನ ಕವಿತೆ  ಹೊರಗೆ ಬರಲು ಅಳುತಾ ಚಿಂತೆ ಸಾವಿನ  ಬದುಕ ಅಂತೆ ಕಂತೆ  ಮಾಗಿದ ಘಾಯವು ಪ್ರೀತಿ ತಂತೆ  ಉತ್ತರ ಹುಡುಕಲು ನೂರು ಯೋಚನೆ ಬದುಕಿನ ಪಯಣ ಸುಡುತಿದೆ ಸುಮ್ಮನೆ  ಮರಣವು ಬಂದರೆ ಜೀವನ ತಣ್ಣನೇ  ಮಾಗಿದ ಬದುಕು ನೂಕು ನೀ ಕಾಲವನೆ  ನೆನಪುಗಳು ನೂರು ಜೀವ ಹಿಂಡಿದೆ  ಬಯಕೆಗಳು ಬಂದು ನೆತ್ತರು ಹೀರಿದೆ  ಮನವು ಏಕೋ ಕಣ್ಣ ಹನಿ ತಂದಿದೆ ಆಗಸದ ಸೂರು ಹನಿಯ ನೂಕಿದೆ ಓಡಿದೆ ಪಯಣ ದಾರಿ ಕಾಣದೆ ಬರಡು ಜೀವ ಬದುಕಾ ಕುಡಿದಿದೆ ಗುರಿಯು ಇಲ್ಲದ ದಾರಿ ಮುಂದಿದೆ  ಮುಟ್ಟುವೇನೆ  ಒಲವ  ತೀರಾ ಎಂದಿದೆ  ************ರಚನೆ*******       ಡಾ. ಚಂದ್ರಶೇಖರ್ ಸಿ. ಹೆಚ್

             🌹ರಜಾ 🌹 ಮೂಡದ ಆಸೆಗಳಿಗೆ ಕಣ್ಣೀರ ರಜಾ ಬದುಕಿನ ಭಾವನೆಗಳಿಗೆ ನಗುವೆ ಸಜಾ ಬಾಳಿನ ಒಲವಿಗೆ ಖುಷಿಯ ಕ್ಷಣ ಮಜಾ  ನೋವಿನ ವ್ಯಥೆಗೆ ಕಂಬನಿ ಮಿಡಿತ ನಿಜಾ                🌹ಆಸೆ 🌹 ನೂರು ಆಸೆ ತಂದೆ ಪ್ರೀತಿಯ ಒಲವೇ ನನ್ನೇ ನಾನು ಗೆದ್ದಂತ ಏನೋ ಗೆಲುವೇ  ಕಾಣದ ದೇವರು ನನ್ನ ಕೈಯ ಇಡಿದಂತೆ  ಮರೆಯಾಯಿತು ಈಗ ಎಲ್ಲಾ ಚಿಂತೆ               🌹 ಸೋಲು 🌹 ಸೋಲು ಗೆಲುವು ಬಾಳಲಿ ಸಹಜ ಅರಿತು ಬಾಳು ನೀನು ಮನುಜ ಬಿದ್ದರೆ ಎಲ್ಲಾ ಮುಗಿದು ಹೋಯಿತೇ  ಬೀಳದೆ ಹೋದರೆ ಎಲ್ಲಾ ಹಾಯಿತೇ  **†****ರಚನೆ********** ಡಾ. ಚಂದ್ರಶೇಖರ್. ಸಿ. ಹೆಚ್

        🌹 ಗುಟ್ಟು 🌹 ಜೀವನ ಎಂಬುದು ಯಾರಿಗು ತಿಳಿಯದ ಗುಟ್ಟು ಬದುಕು ನೋವು ನಲಿವೆಂಬ ಮಾಯದ ಕಟ್ಟು ಕಾಲವು ಮಾಡುವುದು ಪ್ರತಿಕ್ಷಣವ ರಟ್ಟು ಬಾಳಿ ಬದುಕಿ  ಪ್ರೀತಿ ಸ್ನೇಹದ ಬಾಗಿಲು ತಟ್ಟು    🌹 ಕವಿತೆ 🌹 ನೂರು ಸುಂದರ ಕವಿತೆ ನಿನಗಾಗಿ ಬರೆದೆ ವನಿತೆ ಸಾಲು ಹೇಳಿವೆ ರಕ್ತ ಚರಿತೆ  ನನ್ನನು ನಾನು ಅರಿತೆ ಬದುಕನ್ನು ಏಕೋ ಅರಿಯದೆ ಮರೆತೇ     🌹ಮುಲಾಮು 🌹 ಮನಸ್ಸಿನ ಘಾಯಕೆ ಇಲ್ಲ ಮುಲಾಮು ಚಿಂತೆ ಎಂಬ ಚಿತೆಯೇ ನಿನಗೆ ಸಲಾಮು ಕಣ್ಣೀರಿನ ರಭಸಕ್ಕೆ ಮಾದಿದೆ ಗಾಯ ಕಣ್ಣ ರೆಪ್ಪೆಗೆ ನೊವಿನ ಛಾಯಾ *********ರಚನೆ********* ಡಾ.ಚಂದ್ರಶೇಖರ್. ಸಿ. ಹೆಚ್