🌹 ಕನ್ನಡವೇ ನಮ್ಮಮ್ಮ🌹 ಕನ್ನಡಮ್ಮನ ಕರುಳಿನ ಓ ಮುದ್ದಿನ ಕುಡಿ ಕನ್ನಡ ಮಾತಾಡುವ ಮುದ್ದು ಗಿಳಿಯಾಗಲಿ ನುಡಿ. //ಪಲ್ಲವಿ// ಬಸವಣ್ಣ ಸರ್ವಜ್ಞ ಅಕ್ಕಮಹಾದೇವಿ ವಚನಗಳು ಮನೆ ಬೆಳಗುತಾ ಅಜ್ಞಾನದ ಅಂಧಕಾರವಾ ತೊಳೆಯುತ ಹಚ್ಚಿವೆ ನಮ್ಮ ಮನದ ಹಣತೆ ಚಾಲುಕ್ಯ ಹೊಯ್ಸಳ ಕದಂಬ ರಾಜರುಗಳು ಆಳಿದರು ನಮ್ಮನ್ನು ನಾಲ್ವಡಿ ಕೃಷ್ಣರಾಜರು ಕಟ್ಟಿದರು ಕನ್ನಂಬಾಡಿಯನ್ನು ಜಗದಲ್ಲೆಡೆ ಕುಣಿಯಲಿ ನಲಿಯಲಿ ನಮ್ಮಯ ಕನ್ನಡ ನುಡಿಯು ಸಾಗುವ ನೋವು ಉಳಿಸುತ ಬೆಳೆಸಿದ ಸಿಹಿ ಕನ್ನಡ ಭಾಷೆಯು *******ರಚನೆ********* ಡಾ. ಚಂದ್ರಶೇಖರ್ ಸಿ.ಹೆಚ್
🌹ಬಾನಲಿ ಮೋಡ 🌹 ಬಾನಲಿ ಮೋಡದ ನರ್ತನಕೆ ಮಳೆ ಸುರಿದಿದೆ ನೋಡ ಇಳೆಯಲಿ ಬರಬಂದು ಬರಡು ನೆಲ ಹೇಳಿದೆ ಹಾಡ //ಪ// ಕುಹೂ ಕುಹೂ ಕೋಗಿಲೆ ಕೂಗಿದೆ ಮೆಲ್ಲುಸಿರಾ ಸವಿಗಾನ ಮಾಮರ ಹಾಡಿದೆ ಪ್ರಕೃತಿ ಜಗದಾ ಹೊಸ ತಾಣ ಮೂಡುವ ರವಿಯ ಕಿರಣದೀ ಬೆಳಕು ಜಗಕ್ಕೆಲ್ಲ ರಾತ್ರಿಯ ಚಂದ್ರನ ಬೆಳದಿಂಗಳ ಹೊಳಪು ಭುವಿಗೆಲ್ಲ ಸಾಗರದ ಅಲೆಯಂತೆ ಈ ಸುಂದರ ಬದುಕು ದಡಕ್ಕಾಗಿ ಬಂತು ಈ ಬಾಳಿನ ಹೊಸ ಬೆಳಕು ಮನಮನದಲ್ಲಿ ಮೊಳಗಲಿ ಜೀವಚೇತನ ಶಕ್ತಿ ನಮ್ಮ ಉಸಿರಲಿ ಬೆರೆಯಲಿ ಭಾವ ಬೆಳಗುವ ಭಕ್ತಿ **********ರಚನೆ******* ಡಾ. ಚಂದ್ರಶೇಖರ್ ಸಿ.ಹೆಚ್
🌹 ಬಾರೆ ಸನಿಹ🌹 ಹುಡುಗಿ ಬಾರೆ ನೀ ಸನಿಹ ನೀನು ಇರದೆ ಏಕೋ ವಿರಹ ನಿನ್ನ ನೋಡಿ ಬರೆದೆ ಕವಿತೆ ನನ್ನ ಪ್ರೀತಿ ಮಾಡೆ ವನಿತೆ //ಪಲ್ಲವಿ// ನನಗೆ ಹೇಳು ನಿನ್ನ ಇಷ್ಟ ತಂದುಕೊಡುವೆ ಆದರೂ ಕಷ್ಟ ನನಗೇನಿಲ್ಲ ತುಂಬಾ ನಷ್ಟ ನನ್ನ ಮಾತು ಬಹಳ ಸ್ಪಷ್ಟ ನನ್ನ ಪ್ರೀತಿ ಹಿಮಾಲಯದಂತೆ ಕರಗಿ ನೀರಾದರೂ ನಿನ್ನ ಚಿಂತೆ ಬೇಡ ನಿನಗೆ ಅಂತೆ ಕಂತೆ ಸಂತೆಯಲ್ಲಿ ಕೂಡ ನಿನ್ನದೇ ಚಿಂತೆ ಬದುಕಿ ಬಾಳೋ ಹುಡುಗಿ ನೀನು ಮಾಡಬೇಡ ಯೋಚನೆಯನ್ನು ಹುಡುಗಿ ಬೇಡುವೇ ದೇವರಿಗೆ ಹರಕೆ ಬಾಳಲಿ ಕವಿತೆಯಾಗು ನನ್ನ ಸ್ವರಕ್ಕೆ ಬದುಕು ಒಂದು ಸುಂದರ ಕಡಲು ಸೇರು ನನ್ನ ಪ್ರೀತಿಯ ಮಡಿಲು ಕಾದಿರುವೆ ನಿನಗಾಗಿ ನಾನು ಬೇಕು ಹೇಳು ಮತ್ತಿನ್ನೇನು **********ರಚನೆ ******* ಡಾ. ಚಂದ್ರಶೇಖರ್ ಸಿ.ಹೆ ಚ್
Comments
Post a Comment