ಭಾವಗೀತೆ-66

 

🌹 ನರಭಕ್ಷಕ🌹

ಮಾನವರೆಲ್ಲ ದಾನವರಾದರೆ

ರಾಕ್ಷಸರ ಎಲ್ಲ ನರಭಕ್ಷಕರಾದರೆ

ಕೋರೆ ಹಲ್ಲು ಬಂದಂತೆ

ಪ್ರಾಣಿಗೆ ಕೊಡು ಬಂದಂತೆ

      ನಂಬಿದರೆ ನಂಬಿ

      ಬಿಟ್ಟರೆ ಬಿಟ್ಟುಬಿಡಿ //ಪಲ್ಲವಿ//

ದೆವ್ವದಂತೆ ನಿಶಾಚರಿಯಾಗಿ

ದೈವದಂತೆ ದರ್ಶನವಾಗಿ

ದೆವ್ವವು ಮನುಜನ ಬಿಟ್ಟಂತೆ

ದೈವವು ನಮಗೆ ಅರಸಿದಂತೆ

       ನಂಬಿದರೆ ನಂಬಿ

      ಬಿಟ್ಟರೆ ಬಿಟ್ಟುಬಿಡಿ //ಪ//

ಉರಿವ ಬೆಂಕಿಯ ರೂಪ ವಿಕಾರ

ಹರಿವ ನದಿಯ ರೂಪ ಪ್ರಹಾರ

ಬೆಂಕಿಯಲ್ಲಿ ಎಲ್ಲಾ ಬೆಯಲೇಬೇಕು

ನದಿಯ ನೀರನ್ನು ಕುಡಿಯಲೇ ಬೇಕು

        ನಂಬಿದರೆ ನಂಬಿ

        ಬಿಟ್ಟರೆ ಬಿಟ್ಟುಬಿಡಿ //ಪ//

ಕಥೆಯು ಸಿನಿಮಾ ಆದಂತೆ

ಸಿನಿಮಾ ಜನಮನ ಗೆದ್ದಂತೆ

ಏನಿದು ಸುಂದರ ಕಥೆ

ಕೇಳಲು ನೋವಿನ ವ್ಯಥೆ 

        ಹೃದಯವ ಕಲಕಿತೆ?

        ಮನವು ಮಿಡಿಯಿತೆ?

                       ನಂಬಿದರೆ ನಂಬಿ

                       ಬಿಟ್ಟರೆ ಬಿಟ್ಟುಬಿಡಿ //ಪಲ್ಲವಿ//

**********ರಚನೆ*********

 ಡಾ. ಚಂದ್ರಶೇಖರ್ ಸಿ ಹೆಚ್