ಭಾವಗೀತೆ -48

 

🌹 ಕನ್ನಡಕ್ಕೆ ಕೈಮುಗಿದು ಬನ್ನಿ,🌹

ಕನ್ನಡದ ಬಂಧುಗಳೇ ಕೈಮುಗಿದು ಬನ್ನಿ

ಕನ್ನಡಾಂಬೆಯ ಪಾದಚರಣಕೆ ನಮಿಸುವ ಬನ್ನಿ

ನಾಡು ನುಡಿಯ ವನಜಲವು ನಾಡಿನ ಸ್ವರ್ಗ

ಸಹ್ಯಾದ್ರಿಯಾ ಮಲೆಗಳಲ್ಲಿ ನಗುತಿದೆ ನಿಸರ್ಗ. //ಪಲ್ಲವಿ//

ಕನ್ನಡ ಬೀಡಿನಲ್ಲಿ ಕವಿಗಳದೆ ಹಾಡು

ಸಂಗೀತದ ನಾದವ ಗುನುಗುತಿದೆ ನೋಡು

ಶಾರದೆಯ ಬೀಡು ನಮ್ಮ ಶೃಂಗೇರಿಯಲ್ಲಿ

ವಿದ್ಯಾದೇವಿಯ ನೆಲೆ ಭದ್ರಾ ನದಿ ದಡದಲ್ಲಿ

ಮುತ್ತು ರತ್ನಗಳ ಹಳೆದು ತೂಗಿದ ನಾಡು ಕನ್ನಡ

ಶಿಲ್ಪ ಕಲೆಗಳ ತವರು ಬೀಡು ಈ ಸಿರಿಗನ್ನಡ

ಭಾಷೆಗಳ ಭೇದ ಮೀರಿದ ನೆಲೆ ಕನ್ನಡ

ಶಾಂತಿ ಪ್ರಿಯರ ತನು ಮನವು ಕನ್ನಡ

ನಾಡು ನುಡಿಯ ಕಟ್ಟಿ ಬಾಳೋಣ ಬನ್ನಿ

ಸಂಸ್ಕೃತಿಯ ಪ್ರತೀಕ ನಾವಾಗೋಣ ಬನ್ನಿ

ಮಾನವೀಯತೆ ಮೌಲ್ಯಗಳು ಅರಿಹೋಣ ಬನ್ನಿ

ಸರ್ವ ಜನಾಂಗದ ಶಾಂತಿಗೆ ಶ್ರಮಿಸೋಣ ಬನ್ನಿ

********ರಚನೆ *********

ಡಾ.ಚಂದ್ರಶೇಖರ್ ಸಿ.ಹೆಚ್