ಭಾವ ಗೀತೆ -19

 

🌹 ಪರೀಕ್ಷೆ ಬರೆಯುವ ಹುಡುಗ🌹

ನಾಳೆ ಇವನ ಪರೀಕ್ಷೆ ಅಂತೆ

ಮುಂಜಾನೆದ್ದು ದೇವರ ನೋಡಿ

ಅಣೆಯಲ್ಲಿ ಕುಂಕುಮದ ಮೊಡಿ

ಕಿವಿಯ ತುಂಬಾ ಹೂವ ನೋಡಿ

ಮೌನವಾಗಿ ನಡಿತಾ ಇರೋ

ಹೈದ ಯಾರಣ್ಣ....... ಇವನು ಏನು ಮಾಡ್ಕೊಂಡವನಣ್ಣ  //ಪಲ್ಲವಿ//

( ಇವನು ವಿದ್ಯಾರ್ಥಿ ಆಗಿರ್ಬೋಹುದಾ 

ಪರೀಕ್ಷೆ ಬರೆಯಲು ಹೊರಟಿರಬಹುದಾ)

ಕಾಲೇಜ್ ಒಳಗೆ ಕಾಲಿಟ್ಟು

ಬೆಂಚ್ ಮೇಲೆ ಕೂತ್ಬಿಟ್ಟು

ಉತ್ತರ ಪತ್ರಿಕೆ ಮೇಲೆ

ಕೈಯಲ್ಲಿ ತುಟಿಯ ಮುಟ್ಟಿಕೊಂಡು

ಮತ್ತೆ ಎದೆಗೆ ಒತ್ತಿಕೊಂಡು

ಮಾಡಿದ್ದೇನೆಣ್ಣ......... ಇವನ ಮಂತ್ರ ಕಾಣಣ್ಣ 

( ದೇವರೇ ಬಂದು ವರವ ಕೊಟ್ನಾ

ದೇವರು ಬಿಟ್ರೆ ಇವನು ಕೆಟ್ನಾ)

ಪ್ರಶ್ನೆ ಪತ್ರಿಕೆ ತೆಗೆದುಕೊಂಡು

ಉತ್ತರ ಪತ್ರಿಕೆ ಹಿಡಿದುಕೊಂಡು

ಹಾಳೆಯಲ್ಲಿ ಬರಿತಾವ್ನೆ ನೋಡಣ್ಣ

ನಾನು ಬಡವ ದಯವಿಟ್ಟು ಪಾಸ್ ಮಾಡಿ

ಬರೆಯುತ್ತಿರುವ ಬಂಟ ಇವನಣ್ಣ

( ಶಿಕ್ಷಕರ ಮರಳು ಮಾಡುತ್ತಾವನೆ 

ಅಣೆಬರಹ ಹೊಣೆ ಮಾಡ್ತಾವ್ನೆ)

*******ರಚನೆ*********

ಡಾ. ಚಂದ್ರಶೇಖರ್ ಸಿ.ಹೆ ಚ್