ಹೊಸವರ್ಷ -2023

 

ಹೊಸ ವರುಷ ಜೊತೆಯಾಗಿ ಬಂತು

ಹೊಸದಾಗಿ ನಮಗೇನು ತಂತು

ನವ ಹರುಷ ಮನೆಗೆ ಬಂತು

ಹೊಸ ಹಾಡು ಹಾಡಬೇಕು ನಿಂತು

ಹಾಡಿ ಕುಣಿವುದು ಮೈಮನ

ನಕ್ಕು ನಲಿಯುವುದೇ ಜೀವನ

ಆಗುವುದೇ ಮನಸೆಲ್ಲಾ ಸಿಂಗಾರ

ದೇಹ ಕುಣಿವುದೇ ಒಡೆದು ಡಂಗುರ

ಬದುಕಿನ ಸಾರ್ಥಕ ಕ್ಷಣ ನೆನೆದು

ಕಷ್ಟಗಳ ಗಂಟು ಮೂಟೆ ಹೊಗೆದು

ನೋವುಗಳ ನೀರು ಕುಡಿದು

ಹೃದಯದ ತಾಳಕೆ ಕುಣಿದು

ಜೀವನದ ಗಾಡಿ ಮುಂದೆ ತಳ್ಳಿ

ಮನೆ ಮಂದಿ ಪ್ರೀತಿ ಎಲೆ ಬಳ್ಳಿ

ನಗುತಾ ಸಾಗುವ ಬದುಕಲಿ ಬೆರೆತು

ಹೊಸತನ ಕಲಿಯೋಣ ಕಲೆತು

ನೆನ್ನೆಯ ನೆನೆಪುಗಳು ನೂರು

ಕಾಡುವ ಕನಸುಗಳು ಚೂರು

ನಾಳೆಯ ಸವಿಗನಸು ಮುನ್ನೂರು

ಬದುಕೋಣ ನಾವು ನಾಳೇಗಾಗಿ   ವಂಚೂರು

ಹೊಸ ವರುಷ ಜೊತೆಯಾಗಿ ಬಂತು

ಹೊಸದಾಗಿ ನಮಗೇನು ತಂತು

ನವ ಹರುಷ ಮನೆಗೆ ಬಂತು

ಹೊಸ ಹಾಡು ಹಾಡಬೇಕು ನಿಂತು

ಸರ್ವರಿಗೂ ಹೊಸವರ್ಷದ ಶುಭಾಶಯಗಳು 

*********ರಚನೆ **********

ಡಾ. ಚಂದ್ರಶೇಖರ. ಸಿ. ಹೆಚ್E