ಮರೆತು ಹೋಗುವ ಮುನ್ನ ತೆರೆದು ನೋಡು ಈ ಪುಟವನ್ನ

  🌹ಗುಮ್ಮಾ ನೋಡಮ್ಮ 🌹 ನನ್ನಯ ಮುದ್ದು ಕಂದಮ್ಮ ಗುಮ್ಮ ಬಂದಿಹ ನೋಡಮ್ಮ ಪ್ರೀತಿಯಲಿ ನಿನ್ನಾ ಕರೆದಿಹನು ಕಾಣದಾ ಹಾಗೆ ಅವಿತಿಹನು ನೀನು  ಅತ್ತರೆ ಸುಮ್ಮನೆ ಅವನಿಗೆ ಕೊಡುವೇ ನಿನ್ನನೇ  ಯಾಕೀ ನಿನ್ನಯ ರಂಪಾಟ ಅತ್ತು ಕರೆದು ಚೀರಾಟ  ನಾನು ನಿನ್ನಾ ಪ್ರೀತಿಯ ಅಮ್ಮ ನಗುತ ಆಡು ಬಾರೆ ಚಿನ್ನಮ್ಮ ಅಕಾಶದಿ ಚಂದಿರ ಬಂದಿಹನು ನಿನ್ನನು ಕೂಗುತಾ ಕರೆದಿಹನೂ ಕಂದಾ ನೋಡಿದಳು ಆಕಾಶ ಉಕ್ಕಿ ಬಂದಿತು ಸಂತೋಷ ಬೆಳ್ಳನೆ ಶಶಿಯನು ನೋಡಿ ಹಾಲನು ಕುಡಿದಳು ಅಮ್ಮನ ಕೂಡಿ ಅಮ್ಮನ ಖುಷಿಗೆ ಪಾರವೇ ಇಲ್ಲ ಮರೆತಳು ತನ್ನಾ ನೋವೆಲ್ಲಾ ಕಂದನ ತೊಳಲಿ ತಬ್ಬಿಹಳು ಕೆನ್ನೆಗೆ ಮುತ್ತು ಕೋಟ್ಟಿಹಳು ಕಂದನಿಗೆ ತೊಟ್ಟಿಲು ಕಟ್ಟಿಹಳು ಮಲಗಿಸಿ ಜೋಗುಳ ಹಾಡಿಹಳು ಕಂದಾ ನಿದ್ದೆಯ ಮಾಡಿರಲು ಅಮ್ಮಾ ಮನೆ ಕೆಲಸ ಮಾಡಿದಳು **********ರಚನೆ********** ಡಾ. ಚಂದ್ರಶೇಖರ ಸಿ.ಹೆಚ್

  ನನ್ನ ಎದೆಯ ಅರಮನೆಯ ಹೂವು ನೀನು ಕನಸಿನಲಿ ಕಾಡಿದ ಮುದ್ದು ರತ್ನವೆ ನೀನು ಸಾಗರದ ಅಲೆಯಂತೆ  ಬಳುಕುವ ಕುಸುಮವೇ ದಡದಲ್ಲಿ ನಾಚಿ ನಿಲ್ಲುವ ಸೊಗಸ ಸೌಂದರ್ಯವೇ ನೂರೆಂಟು ಆಸೆ ಹೊತ್ತು  ನಿನ್ನ ನಾ ಕೂಗಿದೆ ಹಗಲಲ್ಲಿ ಕನಸು ಬಂದು  ನೀನು ನನ್ನಾ ಕಾಡಿದೆ ಸೆರೆಯಾದ ಹೃದಯಕ್ಕೆ ನೀನು    ತಾನೇ ಸೋಜಿಗ ಮರೆಯಾಗದ ನೆನೆಪುಗಳಿಗೆ    ನೀನು ಗೀಜಗ ಕಥೆಯಲ್ಲಿ ಸುಂದರ ಕವಿತೆ   ಹೇಗೆ ಕಟ್ಟಲಿ ಕವಿತೆಯ ಸಾಲುಗಳಲಿ ನಿನ್ನಾ      ಹೇಗೆ ತಲುಪಲಿ ಮನದಿ ಬಂದ ಪದಗಳನ್ನು  ಭಾವಗೀತೆ ಮಾಡಲಿ ಏಳು ಸ್ವರದ ಸಂಗೀತವ  ಹೇಗೆ ನಾ ನುಡಿಸಲಿ ಬಾಡಿದ ಹೂವೊಂದು     ಬದುಕನ್ನು ಕೇಳಿದೆ ಕಣ್ಣ ಹನಿಯು ಕಂಬನಿ ಹಾಗಿ       ಜೋಗದಂತೆ ದುಮುಕಿದೆ ಬಯಕೆಗಳು ಜೀವನವನ್ನು      ಬೇಕು ಎಂದು ಬೇಡಿವೆ ಯಾರು ಕಾಯಬೇಕು ಹೀಗಾ     ಆಸೆಗಳು ಸೋತಿವೆ **********ರಚನೆ******** ಡಾ.ಚಂದ್ರಶೇಖರ್ ಸಿ.ಹೆಚ್

🌹ಮುದ್ದು ಕಂದಮ್ಮ🌹 ನನ್ನ ಮುದ್ದು ಕಂದಮ್ಮ ನಗುವಿನ ಮೊಗವ ತೋರಮ್ಮ ಪಿಳಿ ಪಿಳಿ ಕಣ್ಣನು ಬಿಟ್ಟು ತೊಟ್ಟಿಲಲ್ಲಿ ಮಲಗಮ್ಮ ನೀನು ತುಂಬಾ ಮುದ್ದು ನಾನು ನಿನ್ನ ಪೆದ್ದು ಎದೆಯ ಮೇಲೆ ಅಂಗಾಲಿಟ್ಟು ಸುಮ್ಮನೆ ನೀನು ಚಿರಮ್ಮ ಅಮ್ಮ ತೊಟ್ಟಿಲು ಕಟ್ಟವಳೇ ಎಣ್ಣೆ ಸ್ನಾನ ಮಾಡ್ಸವಳೇ ಬಿಸಿ ಬಿಸಿ ನೀರು ಮೈಮೇಲೆ ಹೊಯ್ದವಳೇ ಬಿಳಿ ಬಟ್ಟೆ ಮೈಗೆಲ್ಲ ಸುತ್ತ್ವಳೇ ನೀನು ತೊಟ್ಟಿಲಲ್ಲಿ ಬಿದ್ದೆ ಕಣ್ಣ ತುಂಬ ಮಾಡು ನಿದ್ದೆ ಅಮ್ಮನ. ಸೀರೆ  ಒದ್ದೆ ನೀನು ಪುಟಾಣಿ ಮುದ್ದೆ ತೊಟ್ಟಿಲು ಉಯ್ಯಾಲೆ ತುಗೈತಿ ಅಮ್ಮನ ಜೋಗುಳ ಮುಗಿದೈತಿ ಕಂದನ ನಿದ್ದೆ ಆಗೈತಿ ಮೊಗದಲಿ ನಗುವೂ ತುಂಬೈತಿ ********ರಚನೆ********* ಡಾ. ಚಂದ್ರಶೇಖರ್ ಸಿ.ಹೆಚ್